Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Украинаның Белгородка һөҗүме вакытында бер кыз һәм ашыгыч ярдәм хезмәткәрләре зыян күргән
Белгород өлкәсе губернаторы Вячеслав Гладков узган тәүлектә Украина Кораллы көчләренең өлкәгә һөҗүме һәм аның нәтиҗәләре турында хәбәр итте.
Аның мәгълүматлары буенча, Разумное бистәсендәге коммерция бинасына пилотсыз очкыч һөҗүме вакытында алты кеше - ашыгыч ярдәмнең өч хезмәткәре һәм 12 яшьлек кыз - зыян күргән. Кызны балалар өлкә хастаханәсенә китергәннәр. Ашыгыч ярдәм машинасы йөртүчесе һәм ике фельдшер өлкә клиник хастаханәсендә дәвалана. Моннан тыш, зыян күргән ир-ат һәм хатын-кыз амбулатор дәвалануга җибәрелгән. Һөҗүм вакытында коммерция объекты, сәүдә павильоны һәм 21 автомобиль зыян күргән.
Моннан тыш, «Белгород — Комсомольский» автомобиль юлы участогында дошманның пилотсыз очкычы тукталыш комплексына һөҗүм иткән. Биредә бер хатын-кыз зыян күргән, аны Белгородның 2нче шәһәр хастаханәсенә озатканнар. Тукталыш һәм җиңел автомобиль зыян күргән.
Шебекинода пилотсыз очкыч һөҗүме вакытында «Орлан» берләшмәсе хәрбие яраланган. Җирле район хастаханәсендә аңа беренче ярдәм күрсәткәннәр, алга таба ул дәвалануын амбулатория шартларында дәвам итәчәк, дип искәртте Гладков.
Кызыклы яңалыкларны күзәтеп бару өчен Телеграм-каналга язылыгыз