Дин 16 август 2018 09:52

Дергачи районы мәчете лагерендәге балалар татар тарихы белән танышкан

Саратов өлкәсендә җәйге балалар лагеры эшен тәмамлаган.

Скопировать ссылку

(Казан, 16 август, "Татар-информ"). Саратов өлкәсе Дергачи районы мәчете каршында балалар өчен оештырылган җәйге лагерьда Саратов, Энгельс, Мордовия һәм Мәскәүдән килгән балалар ял иткән. Саратов мөселманнары Диния нәзарәте хәбәр итүенчә, малайлар һәм кызлар бер атна дәвамында Ислам дине нигезләренә төшенгән, дин тарихы белән танышкан.

Балаларга гарәп алфавитын да өйрәткәннәр. Моннан тыш, интеллектуаль викторина, экскурсияләр оештырылган. Шул рәвешле аларны татар халкы тарихы белән якыннанрак таныштырганнар.

Лагерь тәмамланган көнне малайлар һәм кызларга кыйммәтле бүләкләр-мәктәп кирәк-яраклары тапшырылган.

#саратов #балалар лагеры #ислам дине #татар тарихы

Сәхифәләр

Дергачи районы мәчете лагерендәге балалар татар тарихы белән танышкан