Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Депутатлар эшләүче пенсионерларга өстәмә ял бирергә тәкъдим итте
Дәүләт Думасы депутатлары эшләүче пенсионерлар өчен ел саен өч календарь көннән дә ким булмаган өстәмә түләүле ял бирүне күздә тоткан закон проектын әзерләде. Бу хакта РИА Новости агентлыгы хәбәр итә.
Инициатива авторларының берсе - Думаның хезмәт, социаль сәясәт һәм ветераннар эшләре комитеты башлыгы Ярослав Нилов.
Проектка аңлатма язуында әйтелгәнчә, Хезмәт кодексына тәкъдим ителә торган үзгәрешләр эшләүче пенсионерларның өстәмә түләүле ялга хокукларын беркетүгә юнәлдерелгән. Авторлар искәрткәнчә, инициатива нәкъ менә картлык буенча пенсия алучы һәм хезмәт эшчәнлеген дәвам итүче гражданнарга кагыла.
Россия Социаль фонды мәгълүматларыннан күренгәнчә, 2025 елның 1 октябренә илдә 40,6 миллионнан артык пенсионер исәпләнгән, шуларның 7,354 миллионы эшләвен дәвам иткән.
Инициатива авторлары хәзерге вакытта эшләүче пенсионерларга, башка хезмәткәрләргә кебек үк, ел саен 28 календарь көн тәшкил иткән төп түләүле ял тиешлеген искәртә. Яңа закон проекты Хезмәт кодексын әлеге категория гражданнар өчен өстәмә ялга хокукны беркетәчәк норма белән тулыландырырга тәкъдим итә. Аның дәвамлылыгы күмәк килешүләр яки оешмаларның эчке кагыйдәләре белән билгеләнәчәк.
Аңлатмада шулай ук әлеге законны кабул итү, авторлар фикеренчә, эшләвен дәвам итүче өлкән яшьтәге кешеләргә өстәмә ярдәм күрсәтергә булышачак диелә.
Кызыклы яңалыкларны күзәтеп бару өчен Телеграм-каналга язылыгыз