Җәмгыять 10 апрель 2017 18:38

Депутатлар социаль челтәргә паспорт белән теркәлергә тәкъдим итә

Әлеге кагыйдә чит ил гражданнарына да кагыла.

Скопировать ссылку

(Казан, 10 апрель, "Татар-информ"). Социаль челтәрләргә теркәлү паспортны тәкъдим итеп башкарылырга тиешлеге турындагы чираттагы канун проекты Дәүләт Думасына тапшырылды. Әлеге тәкъдим белән "Бердәм Россия" депутаты Виталий Милонов чыкты, дип яза "Российская газета".

Әгәр дә төзәтмәләрне хупласалар, социаль челтәр хуҗасы физик заттан электрон формада паспортын таләп итәргә тиеш булачак. Әлеге кагыйдә чит ил гражданнарына да кагыла. Аларга фамилия, исем, әтисенең исемен (булган очракта) һәм яшен билгели торган документ тәкъдим итү шарт булачак.

Хәзерге вакытта, Виталий Милонов фикеренчә, Россиядә социаль челтәрләрдәге эшчәнлек тәртипкә салынмаган. Чикләүләрне, ябык "үлем төркемнәре"нең күбәюе һәм популярлашуы, шулай ук мәктәп укучыларына исерткеч эчемлекләр һәм әхлаксыз яшәү рәвеше алып баручы яшьләрнең йогынтысы зур булусәбәпле кертергә кирәк, дип белдерә ул.

#Дәүләт Думасы канун проекты

Сәхифәләр

Депутатлар социаль челтәргә паспорт белән теркәлергә тәкъдим итә