Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Депутатлар гражданнарны Интернет аша кабул итә башларга мөмкин
РФ Дәүләт Думасы спикеры Вячеслав Володин парламентарийлар һәм төбәкләр элемтәсен дистанцион оештырырга тәкъдим итте.
(Казан, 3 декабрь, «Татар-информ»). РФ Дәүләт Думасы депутатларының ел ахырына кадәр парламенттагы эшләреннән бүленмичә төбәктәге гражданнарны Интернет аша кабул итү мөмкинлеге тууы бар. Бу хакта «Интерфакс» хәбәр итә.
РФ Дәүләт Думасы спикеры Вячеслав Володин җомга көнне утырышта Эшне оештыру һәм регламент палатасы комитетыннан «депутатның төбәктәге офисын» булдыру мәсьәләсе буенча эшләүне сорады.
Парламентның түбән палата рәисе парламентарийлар белән сайлаучыларның дистанцион элемтәсен булдыру мөмкинлеге киләсе елдан төбәкләрдә депутат ярдәмчеләре саны арту белән бәйле, дип билгеләп үтте. «Шунлыктан яңа коммуникацияләр куллану мөмкинлеген дә карап, шулар аркылы депутатның гражданнарны кабул итүен оештыруны карарга кирәк", - диде Володин. Ул әлеге төшенчәне «депутат офисы» дип билгеләргә һәм бу мәсьәләдә фикер алышырга һәм фракцияләрдә эшләп бетерергә, дип тәкъдим итте.
Кызыклы яңалыкларны күзәтеп бару өчен Телеграм-каналга язылыгыз