Икътисад 12 ноябрь 2019 11:55

Депутатлар банк роумингын бетерү турында фикер алыша

Хәзерге вакытта төбәкләр арасында бер банк кысаларында акча күчергән өчен комиссия алына.

Скопировать ссылку

(Казан, 12 ноябрь, «Татар-информ», Динара Прокопьева). Бүген Россия Дәүләт Думасында беренче укылышта банк роумингын гамәлдән чыгару турындагы Хөкүмәт закон проектын караячаклар. Думага Татарстаннан сайланган депутат Айрат Фәррахов «Татар-информ» агентлыгына шул хакта хәбәр итте.

«Без банк һәм банк эшчәнлеге турындагы законга үзгәрешләр кертәчәкбез, шулай ук чынлап та ачу китерә торган вазгыятьне җайга салачакбыз. Ул да булса - банк роумингы», - дип ачыклык кертте Дәүләт Думасына Татарстаннан сайланган депутат.

Биредә сүз Россия төбәкләре арасында бер банк кысаларында акча күчергән өчен банк комиссияләре хакында сүз бара.

«Чынлыкта бездә икътисад бер урында тора, банклар исә шундый комиссияләр, эквайринглар һ.б. хисабына гаять зур табыш ала. Бу бик тә гадел үзгәреш һәм иртәгә без аны хуплаячакбыз», - диде Айрат Фаррахов.

Быелның октябрендә РФ Премьер-министры Дмитрий Медведев Россия төбәкләре арасында акча күчергәндә комиссия алуны мәгънәсезлек дип атады. Ул ил төбәкләре арасында акча күчерү банклар өчен бернинди дә финанс йөкләмәсе түгел дип белдерде һәм әлеге вәзгыятьне җайга салырга чакырды.

#банк #комиссия #банк комиссиясе

Сәхифәләр

Депутатлар банк роумингын бетерү турында фикер алыша