Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Депутат уку йортын кызыл диплом белән тәмамлаучыларга салым ташламасы бирергә тәкъдим итә
Дәүләт Думасы депутаты Сергей Миронов югары уку йортларын кызыл диплом белән тәмамлаучылар өчен алган белгечлек буенча эшкә урнашканнан соң беренче өч ел дәвамында күрсәтелә торган федераль ярдәм чарасы кертү инициативасы белән чыгыш ясады. Бу хакта мөрәҗәгатен ул Россия премьер-министры Михаил Мишустинга юллаган, дип хәбәр итә «ТАСС».
Миронов мөрәҗәгатендә югары яки урта һөнәри белем бирү учреждениесен кызыл диплом белән тәмамлаган яшь белгечләр өчен адреслы федераль ярдәм кертү мөмкинлеген карарга тәкъдим итә.
Әлеге чара уку йортын тәмамлаганнан соң Россия территориясендә дипломда күрсәтелгән белгечлек буенча эшкә урнашканнан соң беренче өч ел дәвамында күрсәтелергә тиеш.
Сүз яшь белгечләрнең салымнарын тотып калу турында бара. Инициатива авторы фикеренчә, бу яшьләрнең керемнәрен арттырырга мөмкинлек бирәчәк.
Моннан тыш, яшьләргә уку йортын тәмамлаганнан соң беренче елларда керемнәрен янга калдырырга ярдәм итү аларның гаилә кору һәм балалар табу теләген арттырачак, дип саный депутат.
Кызыклы яңалыкларны күзәтеп бару өчен Телеграм-каналга язылыгыз