Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Депутат пенсиягә иминият балларының ничек исәпләнүен аңлатты
Шәхси пенсия коэффициенты пенсия яшенә җитмәгән эшләүче гражданнарда да, эшләвен дәвам итүче пенсионерларда да формалаша. Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов иминият балларын исәпләү үзенчәлекләре турында искәртте, дип хәбәр итә RT.
«Шәхси пенсия коэффициенты күбрәк пенсия баллары җыелмасы буларак билгеле. Бу баллар эш бирүчеләр тарафыннан һәр хезмәткәр өчен Социаль фондка түләнә торган иминият взнослары хисабына туплана», – дип билгеләп үтте парламентарий, ел дәвамында исәпләнә торган баллар саны рәсми хезмәт хакы күләменә бәйле булуын искәртеп.
Нилов гражданнарның барлык категорияләре өчен мөмкин булган иң күп балл – елына ун, ә эшләүче пенсионерлар өчен өчтән артык булмавына игътибар юнәлтте.
Баллар хезмәткә сәләтле кеше объектив сәбәпләр аркасында эшләмәгән иминият булмаган чорлар өчен дә (әмма эш бирүче түгел, ә дәүләт хисабына) исәпләнергә мөмкин.
«Боларга, мәсәлән, балаларны тәрбияләү, чакырылыш буенча армиядә яки махсус хәрби операциядә хезмәт итү керә», – дип аңлатты депутат.
Кызыклы яңалыкларны күзәтеп бару өчен Телеграм-каналга язылыгыз