Җәмгыять 8 сентябрь 2024 16:41

Депутат Нигъмәтуллин: Россиядә сайлауга гаилә белән йөрү традициясе ныгый

Скопировать ссылку

Татарстанның Дәүләт Советы депутаты Руслан Нигъмәтуллин сайлауга гаиләсе белән килгән. Ул тавыш биргән сайлау участогы Яр Чаллыда 118 нче балалар бакчасында урнашкан.

«Дәүләт Советына узган сайлаудан соң безнең гаилә ишәйде. Улыбыз Нурлан туды. Аңа тиздән 4 яшь тула, аның өчен бу беренче сайлаулар. Юл буе якшәмбе ник бакчага барабыз дип сорап барды. Аңа бар нәрсә дә кызык иде», – дип уртаклашты ул.

Нигъмәтуллин балачагында ата-анасы белән сайлауга йөргәнен искә төшергән. «Миңа бюллетеньны урнага төшерүне ышанып тапшыралар иде. Вакыйганың мөһимлеген тоемлау тагын да көчәя иде», – дип бүлеште депутат.

Россиядә соңгы елларда сайлауга гаилә белән йөрү традициясе ныгый гына бара.

Парламентарий сүзләренчә, ул коллегалары белән иртәнге 7 дән эшли, берничә сайлау участогын йөреп чыгарга өлгергән. Барысында да күзәтүчеләр эшли, тавыш бирү хокук бозуларсыз бара, күзәтүчеләр позитив карашта.

«Һәркайда шактый югары активлык. Халык үз тавышының мөһимлеген аңлыйдыр дип уйлыйм», – диде ул.

Үзәк сайлау комиссиясе биш сәяси партиянең исемлекләрен теркәде: «Яңа кешеләр», «ЛДПР – Россия либераль-демократик партиясе», «Гадел Россия – Патриотлар – Дөреслек өчен», «Бердәм Россия», «КПРФ – Россия Федерациясе Коммунистлар партиясе».100 депутат мандатына барлыгы 397 кандидат дәгъва кыла.

Сәхифәләр

Депутат Нигъмәтуллин: Россиядә сайлауга гаилә белән йөрү традициясе ныгый