Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Депутат Милонов җомгада эш вакытын кыскартуны яклап чыгыш ясады
Хезмәт шартларының үзгәрүен һәм хезмәткәрләргә карата йөкләнешне исәпкә алып, эш көнен кыскарту инициативасы җомга көннәрендә аеруча актуаль һәм инде күптән өлгергән. Дәүләт Думасы депутаты Виталий Милонов «Татар-информ» агентлыгына шулай дип белдерде.
Элегрәк парламентарий Ярослав Нилов җитәкчелегендәге Дәүләт Думасы депутатлары төркеме атнасына биш көн эшләгәндә җомгада эш көнен бер сәгатькә кыскартырга тәкъдим иткән иде.
«Җомга - эшнең нәтиҗәлелеге кими, ә физик һәм эмоциональ арыганлык атна буена җыела торган көн. Бу медицина тикшеренүләре һәм эш урыннарындагы реаль вазгыять белән дә раслана», - дип белдерде парламентарий.
Милонов билгеләп үткәнчә, бүген эш һәм шәхси тормыш арасындагы чикләр юкка чыкты диярлек, һәм хезмәткәрләр эш процессына тәүлек буе җәлеп ителгән, алар мессенджерлар, электрон почта, корпоратив чатлар аша даими элемтәдә. «Бу рәсми эш вакытыннан тыш та өстәмә йөкләнеш тудыра», - дип аңлатты ул.
Аның сүзләренчә, җомга көннәрендә кыскартылган эш көненә күчү системалы реформага беренче адым булырга мөмкин. «Иң яхшысы - җиде сәгатьлек эш көненә күчү. Бу хезмәткәрләрнең сәламәтлеген яхшыртырга һәм эшнең гомуми продуктивлыгын арттырырга мөмкинлек бирәчәк», - дип өстәде депутат.
Милонов закон проекты кабул ителәчәгенә һәм хезмәт законнарында уңай үзгәрешләргә китерәчәгенә өмет белдерде.
Кызыклы яңалыкларны күзәтеп бару өчен Телеграм-каналга язылыгыз