Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Депутат күп балалы аналарның эш көнен бер сәгатькә кыскартырга чакырды
Дәүләт Думасы депутаты Игорь Антропенко РФ Хезмәт министрлыгына күп балалы аналар өчен эш көнен бер сәгатькә кыскарту мөмкинлеген карарга, шулай ук аларны эшкә алучы эш бирүчеләрне кызыксындыру чараларын кертергә тәкъдим итте. Ул билгеләп үткәнчә, мондый чаралар хатын-кызларга ана булу һәм һөнәри эшчәнлекне бергә алып барырга ярдәм итәчәк, дип хәбәр итә ТАСС.
Парламентарий сүзләренчә, балигъ булмаган балалар белән хатын-кызларга еш кына эшкә урнашу кыен, чөнки эш бирүчеләр гаилә йөкләмәләрсез хезмәткәрләрне өстен күрә. Алар балалар карау буенча «больничныйлар» алмый һәм башка көнкүреш чикләүләре белән очрашмый.
Антропенко бала туу белән хатын-кызлар еш кына карьераларында позицияләрен югалта, ә берничә декрет ялыннан соң аларга эшкә кайту аеруча авыр, дип күрсәтте.
Депутат Хезмәт министрлыгына күп балалы аналар өчен эш көнен кыскартырга һәм берничә балалы ата-аналар эшли торган оешмаларга ярдәм итү системасын эшләргә тәкъдим итте.
Антропенко фикеренчә, мондый чаралар өч һәм аннан да күбрәк бала тәрбияләүче хатын-кызларны эшкә алганда эш бирүчеләрнең куркуын киметәчәк.
Депутат шулай ук ассызыклаганча, аналарга ярдәм системалы булырга һәм дәүләт дәрәҗәсендә тәэмин ителергә тиеш.
Кызыклы яңалыкларны күзәтеп бару өчен Телеграм-каналга язылыгыз