Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Депутат Колунов йөкле хатын-кызларга транспортта бушлай йөрү хокукын бирергә тәкъдим итә
Дәүләт Думасы депутаты Сергей Колунов йөкле хатын-кызлар өчен шәһәр пассажир транспортының барлык төрләрендә бушлай йөрү мөмкинлеген булдырырга тәкъдим итте. Бу хакта ул «РИА Новости» белән әңгәмәдә әйткән.
Парламентарий сүзләренчә, мондый инициатива белән аңа гражданнар очрашулар һәм шәхси кабул итүләр вакытында берничә тапкыр мөрәҗәгать иткән. Шуңа бәйле рәвештә ул якын арада Россия транспорт министрына тиешле тәкъдим юлларга ниятли.
Колунов бушлай йөрү хокукын йөклелек буенча исәпкә кую турындагы документ нигезендә бирергә мөмкин дип саный.
Депутат шулай ук билгеләп үткәнчә, йөклелек буенча исәптән төшерү бүген автомат рәвештә башкарыла. Шуңа күрә, аның фикеренчә, ташламаны бу процесска бәйләргә мөмкин, ул хатын-кызны исәптән төшерү белән бер үк вакытта туктатылачак.
Парламентарий сүзләренчә, түләүсез йөрүне гамәлгә кертү яшь һәм күп балалы гаиләләргә финанс йөкләмәсен киметергә ярдәм итәр иде. Моннан тыш, мондый чара демографик сәясәткә ярдәм итүнең һәм илдә туучылар санын стимуллаштыруның өстәмә коралы була алыр иде.
Кызыклы яңалыкларны күзәтеп бару өчен Телеграм-каналга язылыгыз