Фән һәм мәгариф 29 август 2018 11:39

Депутат Когогина белем сыйфатын күтәрү өчен кәгазь эшен киметергә кирәк, дип саный

Әлфия Когогина мәгълүматлары буенча, Россиянең бер урта мәктәбе ел дәвамында 12 мең күрсәткеч буенча 300ләп хисап тутыра.

Скопировать ссылку

(Чаллы, 29 август, “Татар-информ”). Россия Федерациясе Федераль Җыены Дәүләт Думасы депутаты Әлфия Когогина укытучыларны артык кәгазь эшләреннән бушатмый торып, белем бирү хезмәтләре сыйфатын күтәрү һәм укучыларны киңрәк җәлеп итү мөмкин түгел, дип саный. Әлеге фикерен ул Чаллыда педагогларның август конференциясендә чыгыш ясаганда әйтте.

Когогина мәгълүматлары буенча, Россиянең бер урта мәктәбе ел дәвамында 12 мең күрсәткеч буенча 300ләп хисап тутыра. Депутат барлык күрсәткечләрне истә калдыру да мөмкин түгел, дип җиткерә.

Аның сүзләренчә, республикада федераль финанслау ярдәмендә гомуми белем бирү учреждениеләрендә 6,5 млн яңа урын булдырылырга тиеш. Депутат өстәмә белем бирү өлкәсенә 5 яшьтән 18 яшькә кадәрге балаларның 70 проценттан ким булмаган өлешен тартырга кирәк, дип саный.

#әлфия когогина #август киңәшмәсе #кәгазь эше #педагоглар

Сәхифәләр

Депутат Когогина белем сыйфатын күтәрү өчен кәгазь эшен киметергә кирәк, дип саный