Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Депутат эшнең беренче елыннан ук больничныйны 100 процент күләмендә түләргә тәкъдим итә
Дәүләт Думасының икътисади сәясәт комитеты рәисе урынбасары Михаил Делягин федераль законнарга вакытлыча эшкә яраксызлык буенча түләүләрне исәпләү тәртибен үзгәртәчәк төзәтмәләр әзерли. Ул хастаханә пособиесе күләмен хезмәткәрнең хезмәт стажына карамастан, уртача хезмәт хакының 100 процент дәрәҗәсендә билгеләргә тәкъдим итә. Бу хакта ТАСС хәбәр итә.
Гамәлдәге нормалар компенсация күләмен иминият стажы озынлыгына бәйли. Хәзер биш елга кадәр стажы булган хезмәткәрләр хезмәт хакының 60 процентын гына ала, ә 100 процент күләмендә түләү хокукы сигез ел эшләгәннән соң гына барлыкка килә.
Михаил Делягин мондый алымны гаделсез дип саный, бигрәк тә яшь белгечләргә карата. Депутат фикеренчә, яңа гына эшли башлаган хезмәткәрләр болай да зур булмаган хезмәт хаклары ала, ә бәяләр арту шартларында авыру вакытында керемнең 40 процентын югалту алар өчен бик нык сизелә. Нәтиҗәдә, күпләр акчаларын югалтмас өчен авыруларын аяк өстендә кичерергә мәҗбүр кала.
Кызыклы яңалыкларны күзәтеп бару өчен Телеграм-каналга язылыгыз