Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Депутат Арапов мәктәпләрдә иртәнге зарядканы кертергә тәкъдим итте
Дәүләт Думасы депутаты Георгий Арапов Россия мәктәпләрендә беренче дәрес алдыннан 10-15 минуттан да артык булмаган көндәлек иртәнге зарядканы кертергә тәкъдим итте. Бу хакта РИА Новости хәбәр итә.
Бу тәкъдим белән мөрәҗәгатьне депутат Россия Кулланучы хокукларын яклау буенча күзәтчелек хезмәте (Роспотребнадзор) җитәкчесе Анна Поповага юллаган. Үзенең хатында ул мәктәпләрдә гамәлдәге физик тәрбия программасының, физкультураның өченче дәресе булуга карамастан, укучыларның физик үсешенә булышлык итмәвенә борчылуын белдерде. Арапов сүзләренчә, артык авырлыктагы балалар һәм яшүсмерләр санының ел саен артуы аеруча борчый.
Депутат ассызыклаганча, иртәнге кыска зарядка кертү, ул база күнегүләрен үз эченә алачак, укучыларның физик сәламәтлеген яхшыртырга ярдәм итәчәк. Ул билгеләп үткәнчә, бу практика Россиянең кайбер төбәкләрендә кулланыла, әмма әлегә бөтен җирдә дә кулланылмый. Шул ук вакытта Роспотребнадзор мәктәпләрдә мәҗбүри иртәнге зарядкаларга кагылышлы санитария таләпләрен расламый.
Арапов мондый инициатива өстәмә бюджет чыгымнары таләп итмәячәгенә һәм укучылар арасында физик активлыкны популярлаштыруга, шулай ук яшьтән үк сәламәт яшәү рәвешенең тотрыклы гадәтләрен формалаштыруга ярдәм итә алачагына ышана.
Кызыклы яңалыкларны күзәтеп бару өчен Телеграм-каналга язылыгыз