Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Депутат Антропенко: Күп балалы әниләр өчен автомәктәптә укуны бушлай итәргә кирәк
Күп балалы әниләр өчен автомәктәптә укуны бушлай итәргә кирәк. Дәүләт Думасы депутаты Игорь Антропенко шундый инициатива белән чыкты. Бу хакта ТАСС агентлыгы хәбәр итә.
Парламентарий фикеренчә, автомобиль күп балалы әниләргә аеруча кирәк, чөнки аларга балаларны түгәрәкләргә, секцияләргә һәм башка урыннарга йөртергә туры килә.
Антропенко күп балалы әниләрнең көн саен катлаулы логистика һәм берьюлы берничә урынга өлгерү зарурлыгы белән очрашуын билгеләп үтте. Аның фикеренчә, дәүләт мондый хатын-кызларга автомәктәпләрдә бушлай уку мөмкинлеге биреп ярдәм итәргә тиеш.
Хәзер Россиядә күп балалы гаиләләр федераль һәм төбәк ярдәм чараларына өметләнә ала. Кагыйдә буларак, алар арасында бушлай машина кую урыны, транспорт салымын киметү, җәмәгать транспортында йөрү чыгымнарын каплау, торак-коммуналь хезмәтләр өчен түләүләргә ташламалар, мәктәп укучылары өчен бушлай туклану һәм башка берничә ташлама бар.
Мондый инициативалар «Гаилә» илкүләм проекты максатларына туры килә.
Яңалыкларны күзәтеп бару өчен Макс-каналга язылыгыз