Депутат Андрей Егоров Татарстан Дәүләт Советының Торак сәясәте комитеты рәисе булды
Татарстан Дәүләт Советы депутаты, «Водоканал» МУП директоры Андрей Егоров парламентның Торак сәясәте һәм инфраструктура үсеше комитеты рәисе итеп сайланды. Карар Татарстан Дәүләт Советының 53нче утырышында кабул ителде. Бу турыда «Татар-информ» хәбәрчесе Надежда Гордеева яза.
«Гыйнварда Дәүләт Советының Торак сәясәте һәм инфраструктура үсеше комитеты рәисе Александр Тыгин ТР Дәүләт торак инспекциясе җитәкчесе - Татарстанның баш дәүләт торак инспекторы итеп билгеләнде», - дип искәртте парламент җитәкчесе Фәрит Мөхәммәтшин.
Тыгин депутат вәкаләтләрен вакытыннан алда туктатканнан соң комитет рәисе вазифасы вакантлы булып калды.
Дәүләт Советы Рәисе билгеләп үткәнчә, Егоров кандидатурасы профильле комитет һәм парламентның «Бердәм Россия» фракциясе әгъзалары тарафыннан хупланган.
Депутат хәзер Дәүләт Советында даими (профессиональ) нигездә эшләячәк.