Татарстан делегациясе Луганск кадет корпусының беренче чыгарылышын котлады
Россия Тикшерү комитетының Луганск кадет корпусында беренче чыгарылыш кичәсе узды. 20 XI сыйныф укучысы урта гомуми белем турында аттестатлар алды. Аларның икесе - вице-сержантлар Семен Минаков һәм Игнатий Шевченко - корпусны яхшы билгеләренә генә тәмамлады. Аларга махсус үрнәктәге аттестатлар һәм I дәрәҗә «Укудагы аерым уңышлары өчен» медальләре тапшырылды.
Чыгарылыш укучыларын котларга Россия Иҗтимагый палатасы әгъзасы, шул исәптән Татарстанны тәкъдим итүче Россия Федерациясенең атказанган тренеры Ольга Павлова һәм ТР Премьер-министры урынбасары Ринат Садыйков килде. Алар, кадетларны котлап, республика исеменнән бүләкләр тапшырды.
Фото: ТР вице-премьеры Ринат Садыйков аппараты
Ольга Павлова үз чыгышында Луганск кадет корпусының Яңа Россия һәм Донбассның гына түгел, ә бөтен Россиянең яңа тарихын язачагына ышаныч белдерде. «Тикшерү комитеты тарафыннан бик зур эш алып барыла. Аның җитәкчесе Александр Иванович Бастрыкинның үсеп килүче буынны тәрбияләүгә карата бик игътибарлы мөнәсәбәттә. Аның шәхси күрсәтмәсе буенча тарихи территорияләрдә эш алып барыла», - дип белдерде ул.
Павлова шулай ук Татарстан Рәисе Рөстәм Миңнехановка рәхмәт белдерде: аның ярдәме белән кадет корпусында белем алучылар 9 Майда Казанда узган парадта булды һәм республика лагерьларында ял итте. «Алга таба да бергә эшләячәкбез, матди-техник базаны ныгытачакбыз», – дип ышандырды җәмәгать эшлеклесе.
Фото: ТР вице-премьеры Ринат Садыйков аппараты
Чыгарылыш укучыларына шулай ук корпус директоры, юстиция полковнигы Владимир Гищенко, Россия Тикшерү комитетының Луганск Халык Республикасы буенча Тикшерү идарәсе җитәкчесе Давид Осипов һәм Россия Тикшерү Комитетының Берләштерелгән гаскәри берләшмә буенча Хәрби тикшерү идарәсе җитәкчесе урынбасары Андрей Зубарев мөрәҗәгать итте.