Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Декабрь салкыннарында Татарстанда кеше үлеменә китергән янгыннар саны арткан
Декабрь салкыннарында – бу айда һава температурасы -23 градустан түбән төште – Татарстанда янгыннар саны арткан. Россия Гадәттән тыш хәлләр министрлыгының ТР буенча Баш идарәсе җитәкчесе урынбасары вазифаларын вакытлыча башкаручы Максим Трущин «Татар-информ» агентлыгында узган «Әйләнә-тирә мохит температурасы түбәнәйгән вакытта янгын куркынычсызлыгы таләпләрен үтәү турында» дип аталган матбугат конференциясендә шулай дип белдерде.
«Декабрь аенда 108 янгын очрагы теркәлде. Шул ук вакытта, 1-5 декабрьдә тәүлеклек уртача температура -8 градус тәшкил иткән вакытта – 42, ә 6-10 декабрьдә – бу көннәрдә һава температурасы -23 градуска кадәр төште – 66 янгын теркәлде, ягъни аларның саны 57 процентка артты. Шул ук вакытта, янгыннарда җиде кешенең гомере өзелде, 10 кеше тән җәрәхәтләре алды», - диде Максим Трущин.
Янгыннарның яртысына якыны - электр җиһазын техник файдалану кагыйдәләрен бозу, 20 процентка якыны ут белән саксыз эш итү аркасында чыккан.
Кызыклы яңалыкларны күзәтеп бару өчен Телеграм-каналга язылыгыз