Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Давыл Казанның Борисоглебское һәм Коры елга бистәләрен утсыз калдырган
Яшел Үзән, Биектау, Лаеш районнарында электр линияләренә зыян килгән.
(Казан, 30 май, “Татар-информ”). Давыл сәбәпле, Казанның Борисоглебское һәм Коры елга бистәләре электр утсыз калган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Яшел Үзән районында ун агач ауган. Бер автомобильгә зыян килгән. Электр уты беткән йортлар саны ачыклана.
Гарасат республиканың Биектау районында Алатырь торак пунктында 9 йортны утсыз калдырган. Биектау авылында давыллы җил шәхси йортның түбәсен алып ташлаган.
Зыян күрүчеләр һәм үлүчеләр турында мәгълүмат юк.
Һава шартлары китергән зыянны бетерү эшләренә 108 кеше һәм 39 берәмлек техника җәлеп ителгән. Шул исәптән Россия Гадәттән тыш хәлләр министрлыгыннан 14 кеше һәм 5 берәмлек техника.
Кызыклы яңалыкларны күзәтеп бару өчен Телеграм-каналга язылыгыз