Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дәүләтнеке булмаган пенсия фондларында акчаларын югалтучылар өчен гарантияләр имзаланды
Президент Владимир Путин ирекле пенсия программаларында (добровольные пенсионные программы) катнашучыларның хокукларын гарантияләү системасын булдыру турындагы законнар пакетын имзалады. Шундый документлар хокукый мәгълүмат порталында урнаштырылган, алар 2023 елның 1 гыйнварыннан үз көченә керәчәк.
Система кертемнәрне иминияләштерү һәм мәҗбүри пенсия иминиятендә иминитләштерелгәннәрнең хокукларын гарантияләү системалары белән охшаш рәвештә төзелә. Аның төп максаты – россиялеләрнең хокукларын яклау, пенсия килешүе нигезендә түләнергә тиешле яки түләнә торган дәүләтнеке саналмаган пенсия алучылар турында сүз бара.
Лицензия гамәлдән чыгарылу яки дәүләтнеке булмаган пенсия фондының (НПФ) банкротлыгы гарантия очраклары булып саналачак. Мондый очракларда системада катнашучыга югалткан акчаларын пенсия резервларын гарантияләү фонды акчалары хисабына каплаячаклар.
Фонд дәүләтнеке булмаган пенсия фондының (НПФ) гарантия взнослары һәм башка чыганаклар хисабына ел саен формалаша һәм Кертемнәрне иминиятләштерү агентлыгы (Агентство страхования вкладов) тарафыннан идарә ителә. Системада катнашучыларга исемле пенсия счетларында калган акчалар гарантияләнәчәк, әмма гарантияләнә торган сумманың күләме 1,4 миллион сумнан артмый.
Кызыклы яңалыкларны күзәтеп бару өчен Телеграм-каналга язылыгыз