Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Дәүләт хезмәтләрендә гражданнар һәм оешмаларның бурычларын тикшерү сервисы барлыкка килде
Кулланучылар Дәүләт хезмәтләре порталында үз бурычлары турында гына түгел, ә башка гражданнар һәм оешмаларның бурычлары турында да мәгълүмат белә ала. Бу хакта Федераль суд приставлары хезмәтендә хәбәр иттеләр.
Сервис башкарма производстволар турында белешмәләр алырга мөмкинлек бирә, шул исәптән аларның номеры һәм башлатылу датасы, бурычның сәбәбе, бурыч суммасы, шулай ук суд приставлары бүлеге һәм җаваплы башкаручы пристав мәгълүматларын. Моннан тыш, эшне туктату яки тәмамлау датасы һәм нигезләре турында мәгълүмат та куела.
Физик зат турында мәгълүмат алу өчен аның фамилиясен, исемен һәм әтисенең исемен, туу датасын һәм башкарма производство алып барылган төбәкне күрсәтү таләп ителә. Оешмаларны тикшергәндә исем, адрес һәм төбәкне язарга кирәк.
Бурычларны вакытында түләү гражданнарга һәм компанияләргә милекләренә арест салу яки чит илгә чыгуны тыю кебек чикләү чараларыннан качарга мөмкинлек бирә. Яңа сервис шулай ук килешүләр төзү алдыннан потенциаль партнерларның ышанычлылыгын алдан бәяләргә мөмкинлек бирә.
-
Дәүләт хезмәтләре системасын камилләштерү – «Мәгълүматлар икътисады һәм дәүләтнең цифрлы трансформациясе» илкүләм проекты максаты.
Кызыклы яңалыкларны күзәтеп бару өчен Телеграм-каналга язылыгыз