Җәмгыять 21 сентябрь 2023 10:46

«Дәүләт хезмәтләре» кушымтасында товарларның чынлыгын тикшерү функциясе барлыкка килде

Скопировать ссылку

Россия Премьер-министры Михаил Мишустин товарларның чынлыгын тикшерү мөмкинлеген киңәйтте. «Дәүләт хезмәтләре» кушымтасында махсус опция өстәлгән. Аның аша товарның кайда, кайчан һәм кем тарафыннан җитештерелүен белергә, аның авырлыгы яки күләме турында мәгълүмат алырга мөмкин. Товарны тикшерү өчен кушымтада «Госкан» кнопкасына басарга һәм каптагы махсус график символны сканердан чыгартырга кирәк. Бу хакта «Российская газета» яза.

Сервисның эше «Гадел билге» дәүләт маркировка системасы белән бәйләнешкә керү аша оештырылган. Хәзер маркировка узарга тиешле товарлар исемлегенә дарулар, БАДлар, сөт продукциясе, эчә торган су, сыра, тәмәке, аяк киемнәре, туннар, җиңел сәнәгать товарлары, фотоаппарат һәм лампалар, хушбуйлар, антисептиклар, автомобиль шиннары, медицина эшләнмәләре һәм кресло-коляскалар керә.

Әлеге исемлек даими рәвештә киңәйтелә.

Сәхифәләр

«Дәүләт хезмәтләре» кушымтасында товарларның чынлыгын тикшерү функциясе барлыкка килде