Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Дәүләт Советының релокантларның милкен арестлау турындагы закон проектын хупладылар
Дәүләт Думасының Дәүләт төзелеше һәм закон чыгару комитеты элегрәк ТР Дәүләт Советы эшләгән закон проектын хуплады. Республика депутатлары инициативасы нигезендә, Россиядән киткән гражданнарны ил мәнфәгатьләренә каршы юнәлдерелгән хокук бозулар өчен административ җаваплылыкка тартырга кирәк. Бу хакта Дәүләт Думасының Татарстаннан депутаты Айрат Фәррахов телеграм-каналында хәбәр итте.
Аның сүзләренә караганда, закон проекты административ хокук бозу турындагы эшне карауның гомуми тәртибен сакларга, кайбер процедураларны гына үзгәртергә тәкъдим иткән. Гражданин чит илдә булу сәбәпле аңа хәбәр җибәрү һәм хокук бозучы үзе булмаган килеш эшне карауның яңа тәртибен билгеләргә теләгәннәр. Шулай ук хокук бозу турындагы карар үз көченә керү һәм «кассацион» тәртиптә шикаять белдерү кагыйдәләрен үзгәртергә тәкъдим ителгән.
Россиядә закон проекты кабул ителгән очракта, алга таба административ штраф салу өчен киткән россиялеләрнең милкен кулга алачаклар.
Фәррахов ассызыклаганча, икенче укылышка әлеге закон проектында хөкүмәт, Югары суд, Дәүләт Думасы аппаратының хокук идарәсе һәм Федерация Советының Конституцион законнар һәм дәүләт төзелеше комитетыннан кабул ителгән тәкъдимнәр исәпкә алыначак.
Депутат сүзләренчә, закон проектын 13 майда тагын бер кат караячаклар.
Кызыклы яңалыкларны күзәтеп бару өчен Телеграм-каналга язылыгыз