Дәүләт экспертизасы Казанда беренче крематорий төзү проектын хуплады
Скопировать ссылку
Дәүләт экспертизасы Казанда беренче крематорий төзү проектын хуплады. Элегрәк хәбәр ителгәнчә, объектны 2029 елда ачарга планлаштыралар.
Крематорий «Курган» мемориаль комплексы территориясендә урнашачак. Хәзерге вакытта якындагы мондый объектлар Түбән Новгородта һәм Сарапулда.
Крематорийны төзү бәясе 400 млн сумга бәяләнгән.
Төзелеш өчен 2,5 гектар җир бүлеп бирелгән. Бинаның мәйданы 1,6 мең квадрат метр тәшкил итәчәк. Проектта ике хушлашу залы, заманча кремация мичләре һәм урналар урнаштыру өчен колумбарий бар.