Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Дәүләт Думасында социаль эш буенча белгечләргә хезмәт хакын арттырырга тәкъдим иттеләр
Дәүләт думасының мәгариф комитеты рәисенең беренче урынбасары Яна Лантратова («Гадел Россия - дөреслек өчен») РФ Хезмәт һәм социаль яклау министры Антон Котяковка социаль эш буенча белгечләрнең хезмәт хакын төбәктәге уртача хезмәт хакының 100 процентка кадәр арттыру тәкъдиме белән мөрәҗәгать юллаган. Бу хакта РИА Новости яза.
Депутат фикеренчә, хәзерге вакытта Россиядә халыкка социаль хезмәт күрсәтүчеләрнең түләвендә шактый диспропорция барлыкка килде. Моның сәбәбе аерым норматив хокукый актларда юридик төгәлсезлек булды, диелә хәбәрдә.
Лантратова сүзләренчә, РФ Президенты Владимир Путин Указы нигезендә, социаль хезмәткәрләр өчен төбәктәге уртача хезмәт хакыннан 100 процентка кадәр арттыру каралган. Әмма «Россия Федерациясе субъектларында халыкка социаль хезмәт күрсәтү нигезләре турында» Федераль закон нигезендә социаль хезмәтләр «Социаль хезмәткәр» вазифасын биләүче хезмәткәрләр һәм «Социаль эш буенча белгеч» вазифасын биләүче затлар тарафыннан да күрсәтелә.
«Социаль эш буенча белгеч» вазифасы Президент Указы тәэсиренә эләкми. Нәтиҗәдә, тиңдәш функцияле һәм бер үк бурычларны үтәүче хезмәткәрләр керемнәрдә шактый аерма килеп чыга», - дип билгеләде Лантратова.
Кызыклы яңалыкларны күзәтеп бару өчен Телеграм-каналга язылыгыз