Җәмгыять 6 апрель 2022 15:24

Дәүләт Думасында майдагы ялларны 10 көнгә кадәр озайтырга тәкъдим иттеләр

Скопировать ссылку

Майдагы ялларны 10 көнгә кадәр арттырырга кирәк. Дәүләт Думасы Рәисе урынбасары, «Яңа кешеләр» партиясе депутаты Владислав Даванков производство календарена шундый үзгәрешләр кертергә тәкъдим итте. Бу хакта «Известия» газетасы яза.

1-10 май аралыгын ял көннәре итәргә кирәк. Парламентарий фикеренчә, мондый чара бакчачыларга яшелчәләрне иртәрәк утыртырга һәм азык-төлек белән тәэмин итүне җайга салырга ярдәм итәчәк. Бу шулай ук кешеләргә гаилә һәм дуслары белән күбрәк вакыт үткәрергә мөмкинлек бирәчәк.

Даванков билгеләп үткәнчә, коронавирус пандемиясенә бәйле рәвештә, Россиядә озакка сузылган яллар оештыруга бәйле тәҗрибә бар инде.

Быел календарьда 30 апрель, 1 май һәм 7-10 май ял көннәре буларак билгеләнгән. Ә 4-6 май көннәрендә эшләячәкбез.

Сәхифәләр

Дәүләт Думасында майдагы ялларны 10 көнгә кадәр озайтырга тәкъдим иттеләр