Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дәүләт Думасында гаиләләргә ярдәм күрсәтү системасын үзгәртергә тәкъдим иттеләр
Дәүләт Думасы депутаты Яна Лантратова Telegram-каналда Хөкүмәт Рәисе Михаил Мишустинга гаиләләргә ярдәм күрсәтү системасын аларның байлыгы балалар саны күбәюгә карап артырлык итеп формалаштыру тәкъдиме белән мөрәҗәгать итте. Бу хакта РИА Новости агентлыгы яза.
Депутат беренче адым сыйфатында бала туу һәм тәрбияләүгә бәйле рәвештә пособие түләү системасын карарга тәкъдим итте. Аның әйтүенчә, хәзерге вакытта Хөкүмәт карары буенча пособие гаиләнең һәр әгъзасына туры килгән керем бер яшәү минимумыннан артмаган очракта билгеләнә. Пособиенең максималь күләме яшәү минимумы күләменең 100 процентына җитәргә мөмкин.
Бер бала тәрбияләнә торган гаилә өчен пособие элеккеге кебек билгеләнергә тиеш, ягъни гаиләнең бер әгъзасына туры килгән керем бер яшәү минимумыннан түбәнрәк булган, пособиенең минималь күләме төбәк яшәү минимумының – 50, максималь күләме 100 процент тәшкил иткән очракта, дип ачыклык кертте депутат.
«Ике бала тәрбияләнә торган гаиләләр өчен пособиене гаиләнең бер әгъзасына туры килгән керем 1,5 яшәү минимумыннан түбәнрәк булган, пособиенең минималь күләме – 100, максималь күләме 150 процент тәшкил иткән очракта билгеләргә кирәк», - дип искәртте ул.
Депутат өч бала тәрбияләнә торган гаиләләр өчен пособиене гаиләнең бер әгъзасына туры килгән керем ике яшәү минимумыннан түбәнрәк булган, пособиенең минималь күләме – 150, максималь күләме 200 процент тәшкил иткән очракта билгеләргә тәкъдим итте.
Кызыклы яңалыкларны күзәтеп бару өчен Телеграм-каналга язылыгыз