Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Дәүләт Думасында берьюлы ике пенсия алырга хокуклары булучылар турында аңлаттылар
Россиядә гражданнарның аерым категорияләре бер үк вакытта ике пенсия алырга хокуклы. Бу хакта Дәүләт Думасының Хезмәт һәм социаль сәясәт комитеты җитәкчесе Ярослав Нилов әйтте. РИА Новости шул хакта яза.
Мондый мөмкинлек пенсия законнарында каралган, әмма дәүләт алдында аерым казанышлары булган яки гадәттән тыш хәлләрдә зыян күргән гражданнарга гына кагыла. Алар исәбенә Бөек Ватан сугышында катнашучылар, блокададагы Ленинград һәм Севастополь халкы, Чернобыль АЭСындагы авария нәтиҗәләрен юк итүчеләр, шулай ук хәрби җәрәхәтләрдән инвалид калучылар керә. Бу категорияләр бер үк вакытта картлык буенча иминият пенсиясе һәм инвалидлык буенча дәүләт пенсиясе дә алырга мөмкин.
Аерым кагыйдәләр хәрби хезмәткәрләр, көч структуралары хезмәткәрләре, космонавтлар һәм очучылар өчен гамәлдә. Пенсиягә чыкканнан соң, алар картлык буенча иминият пенсиясен гомумбилгеләнгән яшькә җиткәндә, әмма теркәлгән түләүсез рәсмиләштерергә хокуклы.
Депутат инвалид балаларга аерым игътибар бирде: әгәр аларның әти-әниләре махсус хәрби операция барышында һәлак булса, алар туендыручысын югалту сәбәпле, икенче пенсиягә хокук ала.
Нилов ассызыклаганча, һәр пенсия үз кагыйдәләре буенча билгеләнә һәм төрле чыганаклардан түләнә: дәүләт пенсиясе – федераль бюджеттан, ә иминият пенсиясе – Россия Социаль фонды аша. Рәсмиләштерү өчен пенсия белән тәэмин итүнең һәр төренә хокукны раслый торган документларның тулы пакетын тапшырырга кирәк. Шул ук вакытта гражданнарның күпчелеге өчен гомуми кагыйдә гамәлдә: берничә төр пенсиягә хокук булган очракта бары тик берсе генә билгеләнә – аны алучы үзе сайлый.
Кызыклы яңалыкларны күзәтеп бару өчен Телеграм-каналга язылыгыз