Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Такси хезмәте пассажирлар өчен иминият түләүләрен дүрт тапкыр арттырырга тиеш була
Дәүләт Думасы депутатлары икенче һәм өченче укылышта җиңел такси пассажирларын мәҗбүри иминиятләштерү турында закон кабул итте. 2024 елның 1 сентябреннән мондый түләүләр күләме дүрт тапкыр артачак, дип хәбәр итә ТАСС.
Документ нигезендә, юридик зат яки шәхси эшмәкәр (ИП) үз җаваплылыкларын, җиңел транспортта йөртә торган пассажирларның тормышларына зыян китергән очракка, һәрберсен 2 миллион сумга иминиятләштерә алмаса, кешеләрне йөртергә рөхсәт бирә торган документын файдалана алмаячак.
Иминият кәгазен такси буларак кулланырга рөхсәт ителгән һәр машинага сатып алырга кирәк булачак.
Исегезгә төшерәбез, хәзерге вакытта ташучыларның гражданлык җаваплылыгын мәҗбүри иминиятләштерү турындагы закон (ОСГОП) таксига кагылмый. Шулай итеп, һәлакәт очрагында такси пассажирлары ОСАГО турында закон белән генә якланган, аның нигезендә кеше үлеме өчен максималь компенсация 500 мең сум тәшкил итә. Ә ОСГОП турында законда каралган компенсация 2 миллион сумнан артып китә.
Кызыклы яңалыкларны күзәтеп бару өчен Телеграм-каналга язылыгыз