Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Дәүләт Думасы депутаты вузга кермәгән абитуриентларга киңәшләр бирде
2026 елда югары уку йортына керү өчен баллар җитмәгән абитуриентларга альтернатив вариантларны карарга кирәк, дип сөйләде «Абзац»ка Дәүләт Думасының яшьләр сәясәте комитеты рәисе урынбасары Александр Толмачев.
Аның сүзләренә караганда, мондый мөмкинлекләр арасында – ташламага ия булучылар өчен әзерлек бүлекләре, имтиханнарга әзерлек буенча бушлай онлайн-проектлар, көллияткә керү яки киләсе кабул итү кампаниясенә әзерлек өчен өстәмә ел.
«Кайбер югары уку йортлары абитуриентларның ташламалы категорияләре өчен әзерлек бүлекләре оештыра. Әгәр дә керүче аларга карый икән, ул бушлай әзерләнүгә исәп тота ала», – дип ассызыклады Толмачев.
Ул аныклаганча, ташламалы категорияләргә, аерым алганда, авыр тормыш хәлендә калган гражданнар, махсус операциядә катнашучылар һәм аларның балалары керә. Гадәттә әзерлек бүлекләрендә дәресләр октябрьдә башлана.
Тагын бер вариант дип депутат көллиятне атады. Аның сүзләренчә, кайбер уку йортлары студентларны ноябрьгә кадәр өстәмә рәвештә җыя.
«Көллияттә уку программалар һәм белгечлекләр туры килгән очракта университетта укуны дәвам итәргә мөмкинлек бирә», - дип билгеләде Толмачев.
Әгәр вариантларның берсе дә туры килмәсә, абитуриентка укырга керүне бер елга кичектерергә һәм максатчан рәвештә имтиханнарга әзерләнергә мөмкин. Депутат шулай ук мондый чорны һөнәри планнарны яңадан бәяләү өчен кулланырга мөмкин дип саный.
Яңалыкларны күзәтеп бару өчен Макс-каналга язылыгыз