Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дәүләт Думасы депутаты Максим Топилин Россия Президентын сайлауда катнашты
Россия Дәүләт Думасының икътисади сәясәт буенча комитет рәисе, парламентның түбән палатасында Татарстаннан «Бердәм Россия» фракциясе депутаты Максим Топилин Мәскәүдә теркәлгән урыны буенча Россия Президентын сайлауда үз тавышын биргән. Сайлау участогына ул тормыш иптәше белән килгән.
«Без хатыным белән шимбә иртән тавыш бирергә уйладык, Мәскәүдә Галимнәр йортына 157 нче участокка килдек. Үзем инандым: яшьләр дә, өлкәннәр дә тавыш бирә. Участокта тавыш бирү өчен бюллетень бирә торган бер урын да буш түгел иде», – дип сөйләгән ул.
Топилин үз гаиләсе, балалары, ил өчен кайгырган һәр Россия кешесе сайлау участокларына барачак, дип ышанычын белдергән, дип хәбәр итә «Бердәм Россия» партиясенең төбәк бүлеге матбугат хезмәте.
«Президент сайлау – Россия тормышында мөһим вакыйга. Бу көннәрне без барыбыз да киләчәгебезне билгелибез, башкарылган эшкә бәя бирәбез. Төгәл әйтә алам: соңгы ике дистә елда ил тамырдан үзгәрде – шәһәр һәм бистәләребезгә карау җитә. Шуны тәгаен беләм: Россиягә ышаныч белән караган, үз язмышын Россия белән бәйләгән һәркем, һичшиксез, үз участокларына барып, үз тавышын бирәчәк!» – ди депутат.
- Россия Федерациясе Президентын сайлау 8нче тапкыр үткәрелә, быел ул 15, 16 һәм 17 мартта уза. Сайлауда 4 кандидат – Владислав Даванков («Яңа кешеләр» партиясеннән), Леонид Слуцкий (ЛДПР партиясеннән), Николай Харитонов (КПРФ партиясеннән) һәм Россиянең хәзерге Президенты Владимир Путин (үзен-үзе тәкъдим итүче) катнаша.
Кызыклы яңалыкларны күзәтеп бару өчен Телеграм-каналга язылыгыз