news_header_top
16+
news_header_bot
news_top

Дәүләт Думасы депутаты Апаста яшәүче ветеранга истәлекле бүләк тапшырды

Дәүләт Думасы депутаты Апаста яшәүче ветеранга истәлекле бүләк тапшырды
Фото: https://apastovo.ru/

Дәүләт Думасы депутаты Максим Топилин Апас районы башлыгы Айрат Җиһаншин белән Бөек Ватан сугышы ветераны Хәйретдин абый Сәлахов белән аралашып, хәлләрен белеште, көнкүреше белән кызыксынды. Якынлашып килүче Бөек Җиңү бәйрәме уңаеннан ихлас тәбрикләүләрен юллап, истәлекле бүләк тапшырды. Бу хакта «Апастово-информ» сайтында Ләйлә Шиһабиева яза.

Хөрмәтле аксакалга район башлыгы Айрат Җиһаншин да котлау сүзләрен ирештерде.

Хәйретдин ага Сәлахов яшәгән йортның тәрәз төбендә «Җиңү» җыры яңгырады. Утны-суны кичкән ветеран «Җиңү тәрәзәләре» аша горур елмаеп, имин тормыш теләде.

Хәйретдин ага Сәлаховка телевизор бүләк ителде. Ул телевизор аша илнең иминлегенә кагылышлы тапшыруларны карап баруын сөйләде, тизрәк тынычлык урнашып, егетләрнең исән-имин кайтуларын теләде.

news_right_1
news_right_2
news_bot