Дәүләт Думасы депутаты Айрат Фәррахов Татарстанның Әлдермеш авылында тавыш бирде
Скопировать ссылку
Дәүләт Думасы депутаты Айрат Фәррахов теркәлгән урыны буенча – Татарстанның Биектау районындагы Әлдермеш авылында Россия Президентын сайлауда тавыш бирде. Бу хакта ул үзенең телеграм-каналында сөйләгән.
«Биектау районы Әлдермеш авылында 1288 нче участокта тавыш бирдем. Якташлар, авыл халкы сайлауда актив катнаша!» – дип хәбәр итә ул.
- Россия Федерациясе Президентын сайлауның беренче көнендә, 15 март иртәсендә, Татарстан Рәисе Рөстәм Миңнеханов, аның тормыш иптәше, Татарстан вице-премьеры Ләйлә Фазлыева, Татарстан мөфтие Камил хәзрәт Сәмигуллин, Казан һәм Татарстан митрополиты Кирилл тавыш бирде.
- 15 мартта Татарстанда 65 территориаль һәм 2722 участок сайлау комиссиясе эшен башлады, шулай ук хастаханә, санаторийларда, тикшерү изоляторлары, аэропорт, вокзалда вакытлыча эшләүче 45 участок ачылды. Участокларда 16 меңнән артык күзәтүче, шул исәптән чит ил вәкилләре эшли.
- РФ Үзәк сайлау комиссиясе дүрт кандидатны сайлауга кертте: Владислав Даванков («Яңа кешеләр» партиясеннән), Леонид Слуцкий (ЛДПР), Николай Харитонов (КПРФ) һәм бүген гамәлдә булган Россия лидеры Владимир Путин (үз-үзен тәкъдим итүче).