Дәүләт автоинспекциясе күз күреме начар булганда иминлек чаралары турында искәртте
Бүген кич һәм иртәгә, 1 декабрьдә, Татарстан территориясендә кар явуы көтелә, күз күреме 1000 метрга кадәр кимиячәк, юлларга кар яту һәм бозлавык барлыкка килергә мөмкин.
Шуңа бәйле рәвештә республика Дәүләт автоинспекциясе барлык машина йөртүчеләрне һава торышы начар булганда аеруча сак булырга, шулай ук юл хәрәкәте кагыйдәләрен үтәргә чакыра.
Машина йөртүчеләргә автомобильнең техник торышына, бигрәк тә тормоз системасына, тәгәрмәчләргә һәм номер билгеләренең чисталыгына игътибар итәргә кирәк. Барлык оптика эш хәлендә булырга тиеш. Хәрәкәт тизлеге әлеге һава торышы һәм юл шартларына туры килергә тиеш.
Дәүләт автоинспекциясендә җәяүлеләр үзләре белән яктылык кайтаручы элементлар йөртергә һәм аның машина йөртүчеләргә күренеп торуын тәэмин итәргә тиеш дип билгеләп үттеләр. Юл хәрәкәтендә катнашучыларның һәркайсына да юлда игътибарлы булырга кирәк, дип искәрттеләр ЮХИДИда.