Җәмгыять 1 март 2005 16:26

^Дарулар белән тәэмин итү федераль программасы буенча Татарстан 163,3 миллион сум алган

Скопировать ссылку

(Казан, 1 март, “Татар-информ”). 1 мартка дарулар белән ташламалы тәэмин итү федераль программасын тормышка ашыру максатларында Татарстанда 163,3 миллион сумлык дәвалау препаратлары кертелгән. “Татар-информ” мәгълүмат агентлыгында үткәрелгән интернет-конференциядә ТР сәламәтлек саклау министры Камил Зыятдинов шуларның 97,0 миллион сумы - “Таттехмедфарм” дәүләт унитар предприятиесенә һәм 66,3 миллион сумы “Чаллыфармация” дәүләт унитар предприятиесенә җибәрелгән дип хәбәр итте.

Республиканың ташламага ия халкына 312463 рецепт буенча 88269,6 мең сумлык медицина кирәк-яраклары озатылган. Мәсәлән, федераль дәрәҗәдәге өстенлекле гражданнарга табибларның 249020 рецепты буенча 64246,3 мең сумлык, ә республика дәрәҗәсендәге өстенлекләргә ия гражданнарга табибларның 63443 рецепты буенча 24023,3 мең сумлык медицина кирәк-яраклары җибәрелгән.

Кирәкле препаратлар булмаган очракта дарулар республика бюджеты чыганакларыннан бирелгән. Федераль дәрәҗәдәге ташламага ия гражданнарга республика бюджеты чыганакларыннан 89690 рецепт буенча 21176,6 мең сумлык дару кирәк-яраклары җибәрелгән. Ике ай эчендә алга таба тәэмин итү өчен 4875 рецепт исәпкә алынган.

2005 елга республика бюджетында республика дәрәҗәсендәге ташламаларга ия гражданнарны дару кирәк-яраклары белән тәэмин итү өчен 314 миллион сум каралган. Федераль дәрәҗәдәгеләрне тәэмин итү өчен федераль бюджеттан 1,3 миллиард сум кертелер дип көтелә.

Сәхифәләр

^Дарулар белән тәэмин итү федераль программасы буенча Татарстан 163,3 миллион сум алган