Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дания Заһидуллина: Галимҗан Ибраһимов – татар теленең реформаторы
Татарстан Фәннәр академиясенең вице-президенты Дания Заһидуллина Галимҗан Ибраһимовны татар теленең реформаторы һәм яңа татар әдәбиятын формалаштыручыларның берсе, дип атады.
«Галимҗан Ибраһимов татар теленең реформаторы, яңа татар әдәбиятын формалаштыручыларның берсе булып санала. Ул татар телен һәм әдәбиятын фән буларак өйрәнүгә нигез салучы. 1920нче елларда ТАССРның Академүзәген җитәкләгәндә ул халыкның рухи дөньясын төрле яклап өйрәнүгә курс тотып, галимнәрне һәм белгечләрне берләштерә алган», - диде Дания Заһидуллина Галимҗан Ибраһимовның тууына 135 ел тулуга багышланган халыкара фәнни-гамәли семинарда.
25-26 апрельдә Татарстан Фәннәр академиясендә Россия, Төркия, Казахстан, Кыргызстан, Азербайҗан галимнәре катнашында Галимҗан Ибраһимовның иҗатын өйрәнүгә багышланган фәнни-гамәли семинар уза.
«Галимҗан Ибраһимовның әсәрләре рухи иреккә һәм кеше характерының көченә дан җырлый. Аның иҗаты бүген дә тикшеренүчеләрнең игътибар үзәгендә булуы очраклы түгел. Аларда бүгенге көннең дә күп кенә проблемалары чагылыш тапкан», - диде Дания Заһидуллина.
Кызыклы яңалыкларны күзәтеп бару өчен Телеграм-каналга язылыгыз