Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дамир Исхаков төбәк тарихын язучылар арасында конкурсны гамәлгә кертүне тәкъдим итте
Галим конкурска кабул ителгән кулъязмаларның мәгълүмати базада калачагын билгеләп узды.
(Казан, 4 апрель, "Татар-информ", Гөлнар Гарифуллина). "Туган җир" журналы баш мөхәррире, Гомумтатар төбәк тарихын өйрәнүчеләр җәмгыяте рәисе урынбасары Дамир Исхаков төбәк тарихы буенча иң яхшы хезмәткәрне ачыклау буенча еллык конкурсны гамәлгә кертү кирәк дигән фикердә. Бу хакта ул "Казан" милли-мәдәни үзәгендә II Бөтенроссия татар авыллары һәм төбәкләрдәге татар тарихын өйрәнүчеләр җыенының пленар утырышында белдерде.
Бәйге турында идеяне зал алкышлар белән хуплады. "5 млн сумнан да ким булмасын иде, грант яхшы булырга тиеш", - дип белдерде Дамир Исхаков.
"Әгәр дә конкурска уннарча кулъязма керсә, алар безнең мәгълүмати базада калачак. Барыгыз да беләсез: кулъязмаларның күбесе чыкмыйча ята, кулъязмалар язылган, китаплары юк әле. Язучыларның шактый өлеше өлкән яшьтәге шәхесләр. Алар киткән саен кулъязма югалырга мөмкин. Конкурска җибәреп, без аларны монда саклыйбыз һәм туплыйбыз. Ул безнең өчен мәгълүмати база була. Шуңа күрә бу конкурс шушы яктан да кирәк", - диде Дамир Исхаков.
Кызыклы яңалыкларны күзәтеп бару өчен Телеграм-каналга язылыгыз