Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дамир Фәттахов: 30 августта Татарстан халкына ошасын өчен барын да эшлибез
Шәһәр бәйрәмендә төп бәйрәм урыннары – Горький паркы, Меңъеллык мәйданы һәм Иске Татар бистәсе булачак.
(Казан, 25 август, "Татар-информ"). Шәһәр хакимияте Казан халкы һәм аның кунаклары Республика һәм Шәһәр көнендә уңай тәэсирләр алсын өчен кулдан килгәнчә тырыша. Бу хакта "Татар-информ"да узган матбугат конференциясендә Казан башкарма комитет җитәкчесенең беренче урынбасары Дамир Фәттахов җиткерде.
Дамир Фәттахов әзерлек чараларының мөһимлеген билгеләп үтте, чөнки бәйрәм датасы, күбесенчә, шәһәр хакимиятенең эшенә нәтиҗә ясый.
"30 август – Шәһәр көне һәм Республика көне. Бәйрәм Татарстан халкына ошасын, алар уңай хисләр кичерсен һәм рәхәтләнеп ял итсен өчен барын да эшлибез", – диде Дамир Фәттахов.
Шулай ук Дамир Фәттахов билгеләп үткәнчә, 30 августта Татарстан башкаласында мәдәни чаралардан башлап, автошоу һәм узышларга кадәр оештырылачак. Шәһәр бәйрәмендә төп бәйрәм урыннары – Горький паркы, Меңъеллык мәйданы һәм Иске Татар бистәсе булачак, диелде.
Кызыклы яңалыкларны күзәтеп бару өчен Телеграм-каналга язылыгыз