Хәвеф-хәтәр 7 декабрь 2017 21:45

Дамаск шәһәре тирәсендә яшәүче балаларга ачлыктан үлем яный

Көньяк Гута халкы соңгы биш елда Бәшәр Асад режимы чолганышында яши.

Скопировать ссылку

(Казан, 7 декабрь, “Татар-информ”). Көньяк Гутаның Дамаск шәһәре тирәсендә яшәүче балаларга ачлыктан үлем яный. Анда бернинди медицина учреждениесе эшләми, медикаментлар юк. Бу хакта “Анадолу” агентлыгы хәбәр итә.

Көньяк Гутаның 400 меңләп кешесе соңгы биш елда Бәшәр Асад режимы чолганышында яши. Алар ачлыкта һәм мохтаҗлыкта интегеп, җан асрарга тырыша.
8 яшьлек сирияле Раванның ачлыктан тире дә сөяк кенә калган. Кыз бала церебраль паралич һәм цирроз авырулы. Кызның әтисе “Анадолу” агентлыгына аның авыр хәле турында җиткергән. Биредә авыру балалар шактый күп, дип белдергәннәр.

Сириядә сугыш 2011 елның мартында башланган. БМО мәгълүматлары буенча, 400 меңнән артык кеше үлгән, 10 миллионнан артыгы өйләрен ташлап китәргә мәҗбүр булган. 4,8 миллион кеше чит илләрдә яшәү урыны тапкан.

Сәхифәләр

Дамаск шәһәре тирәсендә яшәүче балаларга ачлыктан үлем яный