Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Дагыстан Милли китапханәсендә татар әдәбияты даими стенды булдырылачак
Чара танылган татар шагыйре Габдулла Тукай туган көненә туры китереләчәк.
(Казан, 15 март, «Татар-информ»). Р. Гамзатов исемендәге Дагыстан Милли китапханәсендә татар әдәбияты даими стенды булдырачак. Чара танылган татар шагыйре Габдулла Тукай туган көненә туры китереләчәк. Бу хакта Бөтендөнья татар конгрессы матбугат хезмәте хәбәр итә.
Дагыстанның «Туган Тел» татар милли мәдәнияте иҗтимагый оешмасы рәисе Эльмира Кадырованың тиешле тәкъдимен төбәкнең мәдәният министры вазыйфаларын вакытлыча башкаручы Зарема Бутаева хуплаган.
Исегезгә төшерәбез, Дагестан һәм Татарстан арасында берничә килешү имзаланды, шул исәптән мәдәният өлкәсендә үзара хезмәттәшлек турында.
Эльмира Кадыйрова иҗтимагый оешма барлык таләп ителгән нәфис, тарихи әдәбият белән тәэмин итәчәген хәбәр итте.
Зарема Бутаева Милли китапханә директоры белән элемтәгә кергән һәм кирәкле ярдәм күрсәтергә күрсәтмә биргән. Моннан тыш, ведомство башлыгы шундый ук стендны Татарстан Милли китапханәсендә дә булдыру тәкъдимен кертте. «Бу китаплар үзара бүләк итешү акты , безнең төбәкләр арасында дуслыкны торгызуда беренче кирпечләр булачак», – дип билгеләп үтте ул.
Кызыклы яңалыкларны күзәтеп бару өчен Телеграм-каналга язылыгыз