Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Дәрвишләр бистәсендә янгын сүндерүчеләр ут капкан йорттан 82 яшьлек хуҗабикәне коткарган
Хезмәтчәннәр урамында ялкын телләре шәхси торак йортның түбәсен һәм ишегалдындагы корылмаларны ялмап алган.
(Казан, 12 ноябрь, «Татар-информ»). Казанның Дәрвишләр бистәсендә янгын сүндерүчеләр ут капкан йорттан өлкән яшьтәге хуҗабикәне коткарган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Кичә иртән Гадәттән тыш хәлләр министрлыгына Хезмәтчәннәр урамында шәхси кирпеч йортта янгын чыгуы турында хәбәр килгән.
Ялкын телләре йортның түбәсен һәм ишегалдындагы корылмаларны ялмап алган, янгынның мәйданы 120 квадрат метрдан артып киткән.
Ут белән көрәшүчеләр ут капкан йорттан 82 яшьлек хуҗабикәне коткарган.
Янгын мичтән файдалану кагыйдәләрен бозу аркасында килеп чыккан дип фаразлана.
Кызыклы яңалыкларны күзәтеп бару өчен Телеграм-каналга язылыгыз