Җәмгыять 29 сентябрь 2016 07:41

Дөньяга өч ата-анадан яралган беренче бала туган

Абрахим Хәсән исемле малай биш ай элек туган. Экспертлар аның тууын революция дип атый.

Скопировать ссылку

(Казан, 29 сентябрь, "Татар-информ"). Дөньяда өч ата-ананың биологик материалын кулланып яралган беренче бала туган, бу хәл Мексикада булган, дип хәбәр итә New Scientist фәнни журналы.

Иорданиядән килгән ирле-хатынлы пар АКШ галимнәренә сирәк очрый торган генетик авыру белән мөрәҗәгать иткән. Әлеге авыру аркасында аларның балалары булмаган.

Джон Чжан җитәкчелегендәге тикшеренүчеләр төркеме тагын бер хатын-кызның генетик материалын куллану технологиясенә мөрәҗәгать итәргә булган. Әмма андый процедуралар АКШта тыелган булганлыктан, белгечләр Мексикадагы клиникада эшләгән.

Матбугат чарасы хәбәр иткәнчә, Абрахим Хәсән исемле малай биш ай элек туган. Экспертлар аның тууын революция дип атый.

Өч кешедән алынган ДНК ярдәмендә ясалма орлыкландыру процедурасын беренче булып 2015 елның февралендә Бөекбритания рөхсәт итте. Британия галимнәре мондый техника митохондриаль авырулар өчен куркынычсыз дигән нәтиҗәгә килде.

Шунысын да әйтү кирәк, әлеге инициатива этика нормалары темасына күп бәхәсләр уятты.

#Мексика #ясалма орлыкландыру

Сәхифәләр

Дөньяга өч ата-анадан яралган беренче бала туган