Җәмгыять 4 гыйнвар 2021 09:46

Дөньяда коронавирус белән авыручылар саны 85 миллионнан артып киткән

Россиядә 3,2 миллион кеше коронавирус белән чирләгән.

Скопировать ссылку

(Казан, 4 гыйнвар, «Татар-информ»). Дөньяда коронавирус белән авыручыларның расланган саны 85 миллионнан артып киткән. Джонс Хопкинс университеты федераль һәм җирле хакимиятләр мәгълүматларын, шулай ук массакүләм чаралардагы һәм ачык чыганаклардагы саннарны бергә кушып, шундый белешмә чыгарган. Бу турыда РИА Новости хәбәр итә.

Университетның соңгы мәгълүматлары буенча, дөньяда 85 059 632 кеше коронавирус инфекциясе йоктырган. 1,8 миллионнан артык кеше вафат булган һәм 48 миллионга якын авыру терелгән.

COVID-19 очракларының иң күп өлеше АКШта ачыкланган – анда 20,6 миллионнан артык, аннары Һиндстан - 10,3 миллион, Бразилиядә 7,7 миллионнан артык авыручы бар. Россиядә коронавирустан 3,2 миллион һәм Франциядә 2,7 миллионнан артык кеше чирләгән.

Бөтендөнья сәламәтлек саклау оешмасы 2020 елның 11 мартында COVID-19 яңа коронавирус инфекциясе пандемиясе кабынуын игълан иткән иде.

#Коронавирус буенча карантин #коронавирус

Сәхифәләр

Дөньяда коронавирус белән авыручылар саны 85 миллионнан артып киткән