Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дөнья чемпионы Рафаэль Камалов "Ел спортчысы-2018" премиясенә номинацияләнгән
Рафаэль Камалов Рио-де-Жанейрода узган ярышта хәрби хезмәткәрләр арасында тхэквондо буенча дөнья чемпионы булды.
(Казан, 26 декабрь, "Татар-информ"). Татарстан спортчысы, тхэквондо буенча дөнья чемпионы Рафаэль Камалов "Ел спортчысы 2018" номинациясендә CISM (Халыкара хәрби спорт советы) премиясенә тәкъдим ителгән. Бу турыда Татарстанның Спорт министрлыгы матбугат хезмәте хәбәр итте.
Бүләк CISM ярышларда катнашучы спортчыларга бирелә. Алар оешма кыйммәтләрен алга этәрү, спорттагы нәтиҗәләре буенча тапшырыла. Премияне биргәндә гадел уен, дисциплина, кагыйдәләргә хөрмәт һәм башкалар исәпкә алына, диелгән әлеге хәбәрдә.
Быел декабрьдә Рио-де-Жанейрода узган ярышта Рафаэль Камалов хәрби хезмәткәрләр арасында тхэквондо буенча дөнья чемпионы булды. Татарстан спортчысына 87 килога кадәр авырлык категориясендә тиңнәр булмаган. Финалда Чаллы егете гамәлдәге дөнья чемпионыннан көчлерәк булып чыкты һәм ярышта җиңү яулады, дип хәбәр итә министрлыкның матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз