news_header_top_970_100
news_header_bot_970_100

Дөнья чемпионатында Казанда кайсы ил җыелма командалары уйнаячагы билгеле булды

Татарстан башкаласына дөнья чемпионы булып танылган өч ил җыелмасы килә.

Дөнья чемпионатында Казанда кайсы ил җыелма командалары уйнаячагы билгеле булды
Ильнар Тухбатов

(Казан, 1 декабрь, "Татар-информ", Фәрит Салихов). Мәскәүдә 2018 елда Россия шәһәрләрендә узачак футбол буенча дөнья чемпионатының жирәбәсе уздырылды. Аның нәтиҗәләре буенча Казанда кайсы командалар уйнаячагы ачыкланды.

Татарстан башкаласының “Казан Арена” стадионы дөнья чемпионатының 6 матчын кабул итеп ала. Казанга төркем этабындагы уеннарга кайсы командалар килүе мәгълүм булды. Алар арасында дөнья чемпионы булып танылган 3 команда – Франция, Испания һәм Германия дә бар.

Казанда узачак уеннар:

16 июнь. Франция – Австралия.
20 июнь. Иран – Испания.
24 июнь. Польша – Колумбия.
27 июнь. Көньяк Корея – Германия.
30 июнь. 1/8 финал матчы.
6 июль. 1/4 финал матчы.

news_right_column_1_240_400
news_right_column_2_240_400
news_bot_970_100