Спорт 11 июль 2018 15:03

Дөнья чемпионаты вакытында түләүсез поездларда Казанга 57 мең җанатар килгән

Бер айлык футбол чарасында 122 ил җанатарлары пассажир булган.

Скопировать ссылку

(Казан, 11 июль, “Татар-информ”). Футбол буенча Дөнья чемпионатын вакытында, 13 июньнән 10 июльгә кадәр, түләүсез поездларда Казанга 57 мең җанатар килеп киткән. Бу хакта Чемпионатның Транспорт дирекциясе статистикасында хәбәр ителә.

Татарстан башкаласында төркем этабының дүрт матчы һәм плей-оффның ике матчы узды. Түләүсез поездларда Казанга 122 ил җанатарлары килде.

Җанатарларны түләүсез 108 поезд ташыган. Аларның алтмышы Казаннан (Түбән Новгород, Екатеринбург, Волгоград, Самара, Санкт-Петербург, Саранск һәм Мәскәү шәһәрләренә Саратов, Владимир һәм Тверьдә тукталыш ясап барган) киткән. Казанга исә шундый 8 поезд (Мәскәү, Санкт-Петербург, Самара һәм Саранск шәһәрләренә Тверь, Мәскәү һәм Владимирда тукталыш ясап) килгән.

"Казан-2" тимер юл вокзалына Мәскәү һәм Екатеринбург арасындагы юл буйлап 12 өстәмә состав пассажирлар ташыган.

#Футбол буенча дөнья чемпионаты

Сәхифәләр

Дөнья чемпионаты вакытында түләүсез поездларда Казанга 57 мең җанатар килгән