Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Дөнья чемпионаты кунакларының 93 проценты дусларына Казанга барырга тәкъдим итәчәк
Футбол мундиале җанатарларының күпчелек өлеше үзләрен Татарстанда каршылаудан канәгать калган.
(Казан, 17 июль, “Татар-информ”, Арсений Маврин). 2018 елгы футбол буенча Дөнья чемпионаты кунакларының күбесе Татарстанга яңадан килергә һәм дусларына да Казанга барырга тәкъдим итәргә ниятли. Бу хакта Татарстан Хөкүмәте Йортында узган брифингта Татарстанның Туризм буенча дәүләт комитеты рәисе Сергей Иванов хәбәр итте.
“Республикага Чемпионат көннәрендә килүчеләрнең 93 проценты Казандагы тәэсирләрен 10 баллы система буенча, 8 – 10 балл итеп бәяләде. Шул ук вакытта 90 проценттан күбрәге 10 балл белән бәяләде. Кунакларның күпчелеге яңадан килергә яисә сәяхәтләрен кабат Татарстанга планлаштырырга дип китте. Казанга килүчеләрнең 93 проценты үз дусларына Казанга һәм Татарстанга сәяхәт тәкъдим итәргә әзер”, - диде Иванов саннар китереп.
Кунакларга транспорт, кунакханәләр, туклану, татарстанлыларның ачык һәм мөлаем булуы, волонтерларның игътибарлылыгы, шулай ук төбәктә төрле дин тотучыларның һәм төрле милләт вәкилләренең тыныч яшәве ошаган.
Кызыклы яңалыкларны күзәтеп бару өчен Телеграм-каналга язылыгыз