Спорт 6 март 2010 14:31

Д.Медведев Россия олимпиячеләрен бүләкләү турындагы указга кул куйды

Дәүләт бүләкләре Олимпиада медальләренә лаек булган спортчыларга тапшырылды

Скопировать ссылку

(Казань, 6 март, "Татар-информ"). Олимпиада медальләренә лаек булган спортчыларга дәүләт бүләкләре тапшырылды. Барлык алтын призерлар да Дуслык ордены белән бүләкләнде. Олимпиадада көмеш медаль яулаган Евгений Плющенко һәм Иван Скобрев, шулай ук бронза медаль иясе Иван Черезовка беренче дәрәҗә “Ватан алдындагы хезмәтләре өчен” орден медале тапшырылды.
Көмеш медаль яулаган Екатерина Илюхина һәм Александр Панжинский икенче дәрәҗә “Ватан алдындагы хезмәтләре өчен” орден медале белән бүләкләнде. Бронза медаль ияләре дә шушы ук бүләккә лаек булды, дип хәбәр итә "Эхо Москвы".
Президент указында спортчылар “спортны үстреүгә зур өлеш керткәннәре һәм Ванкуверда узган Олимпиадада зур казанышларга ирешкәннәре өчен” бүләкләнә диелә. Дмитрий Медведев дүртенче урынны яулаган спортчыларны да игътибардан читтә калдырмады. Аларга дәүләт башлыгының Рәхмәт хаты тапшырылды.
Ванкуверда узган Олимпиадада Россия җыелма командасы гомум команда зачетында 11 нче урынны алды.

Сәхифәләр

Д.Медведев Россия олимпиячеләрен бүләкләү турындагы указга кул куйды