Дәүләт җыр һәм бию ансамбле юбилеена «Төрки дөнья» исемле яңа программа әзерләячәк
2022 елда Татарстан Дәүләт җыр һәм бию ансамбленә 85 ел тула.
Скопировать ссылку
(Казан, 19 февраль, «Татар-информ», Рузилә Мөхәммәтова). Татарстан Республикасы Дәүләт җыр һәм бию ансамбле үзенең юбилее уңаеннан «Төрки дөнья» дип исемләнгән яңа программа әзерләячәк.
Ансамбльнең сәнгать җитәкчесе Айрат Хәмитов матбугат үзәгенә әйтүенчә, төп юбилейга әзерлек бара — 2022 елда Татарстан Дәүләт җыр һәм бию ансамбленә 85 ел тула.
Татарстан Республикасы Дәүләт җыр һәм бию ансамбле бу сезонда «Туй» хореографик спектаклен чыгарды. Шулай ук, «Татар җыены» дигән яңа программа буенча да эш бара.